HTTP 200 OK
Allow: GET, PUT, PATCH, DELETE, HEAD, OPTIONS
Content-Type: application/json
Vary: Accept
{
"url": "https://nerdpool-api.acdh-dev.oeaw.ac.at/api/ner-sample/53077/?format=api",
"ner_text": "Folgenndts erholet ire Mt. uffs kürzest der proposition furnembste puncten unnd zeigten danebenn mit sonnderlicher beweglicher affection an, inn waß grossenn nötten unnd gefahren mann gegen den turcken stüende, furnemlich aber das derselbig je lennger je mechtiger wurde unnd allen mutwillenn übette. Dagegenn aber die hungarische unnd andere gränzen inn verganngnen jahren dermaßen außgemattet unnd an aller gebuerlicher notturfft dermaßen erschopfft wehrenn, daß inenn unmüglich, solchen mechtigenn erbfeinnd lennger widderstannd zuthun. Da man denselben gueten leuthen nicht mit einer großen ansehnlichen hülff an gelt, volck, munition, victualien unnd dergleichen beistannd leistet, so hettenn ire Mt. nun viel jahrhero uber das jhenig, was die gemeine stende contribuirt, vonn iren konigreichen unndt erblannden jahrlichenn einkommen solche große zuschus gethann, das sie sich damit sehr enntblößet unnd also furters nicht müglich wehre, die grännzen gegenn dem erbfeinndt lennger zuerhaltten, wo nicht gemeine stennde mit einer ansehnlichen unnd beharlichenn hülff das best thun woltenn unndt obwol ein anstandt mit dem türcken uff etlich jahr gemacht, so wurde doch derselbig mit täglichenn einfallenn, straiffen, brennen, plündern unnd hinwegführenn vonn den türckhen an den gräntzen gar nicht gehalttenn, sonndern diente solcher anstand darzu, daß man eines gewalttigen herzugs etwas besser gesichert wehre, aber sonnsten mit täglichem einfallenn, straiffen, plündern, verheerungen unnd die leuth sampt dem vihe unndt annderm thir wegzuführenn, verhielten sich die türckenn, alß ob deshalb kein anstannd gemacht wehre, ubetenn allenn mutwillen, musten derhalben alle festungen unnd gränzheuser dermaßen besezt und mit aller notturfft versehenn unnd erbauet gehaltenn werdenn, alßob kein anstandt wehre. Dieselbe aber also notturfftiglich zuerhaltten, müste man jedes jahrs aber sechzehenhundert tausennd guldenn habenn, welche aber furtters zuerlegenn unmüglich wehre, dann ire konigreich unnd lannde dermaßenn erschöpfft wehrenn, das derselbenn einkhommen sich zu solchen unndt andern täglichenn außgaben bey weittem nit erstreckte. Unnd dieweil es leider also geschaffenn wehre, so erfordert die eüsserste notturfft uff viel ein annder grössere hülff zudenckhen, dardurch die gränzen erhalttenn möchten werdenn, dann biß dahero beschehenn.",
"ner_sample": {
"text": "Folgenndts erholet ire Mt. uffs kürzest der proposition furnembste puncten unnd zeigten danebenn mit sonnderlicher beweglicher affection an, inn waß grossenn nötten unnd gefahren mann gegen den turcken stüende, furnemlich aber das derselbig je lennger je mechtiger wurde unnd allen mutwillenn übette. Dagegenn aber die hungarische unnd andere gränzen inn verganngnen jahren dermaßen außgemattet unnd an aller gebuerlicher notturfft dermaßen erschopfft wehrenn, daß inenn unmüglich, solchen mechtigenn erbfeinnd lennger widderstannd zuthun. Da man denselben gueten leuthen nicht mit einer großen ansehnlichen hülff an gelt, volck, munition, victualien unnd dergleichen beistannd leistet, so hettenn ire Mt. nun viel jahrhero uber das jhenig, was die gemeine stende contribuirt, vonn iren konigreichen unndt erblannden jahrlichenn einkommen solche große zuschus gethann, das sie sich damit sehr enntblößet unnd also furters nicht müglich wehre, die grännzen gegenn dem erbfeinndt lennger zuerhaltten, wo nicht gemeine stennde mit einer ansehnlichen unnd beharlichenn hülff das best thun woltenn unndt obwol ein anstandt mit dem türcken uff etlich jahr gemacht, so wurde doch derselbig mit täglichenn einfallenn, straiffen, brennen, plündern unnd hinwegführenn vonn den türckhen an den gräntzen gar nicht gehalttenn, sonndern diente solcher anstand darzu, daß man eines gewalttigen herzugs etwas besser gesichert wehre, aber sonnsten mit täglichem einfallenn, straiffen, plündern, verheerungen unnd die leuth sampt dem vihe unndt annderm thir wegzuführenn, verhielten sich die türckenn, alß ob deshalb kein anstannd gemacht wehre, ubetenn allenn mutwillen, musten derhalben alle festungen unnd gränzheuser dermaßen besezt und mit aller notturfft versehenn unnd erbauet gehaltenn werdenn, alßob kein anstandt wehre. Dieselbe aber also notturfftiglich zuerhaltten, müste man jedes jahrs aber sechzehenhundert tausennd guldenn habenn, welche aber furtters zuerlegenn unmüglich wehre, dann ire konigreich unnd lannde dermaßenn erschöpfft wehrenn, das derselbenn einkhommen sich zu solchen unndt andern täglichenn außgaben bey weittem nit erstreckte. Unnd dieweil es leider also geschaffenn wehre, so erfordert die eüsserste notturfft uff viel ein annder grössere hülff zudenckhen, dardurch die gränzen erhalttenn möchten werdenn, dann biß dahero beschehenn.",
"entities": []
},
"ner_ent_exist": false,
"ner_ent_type": null,
"ner_source": "https://nerdpool-api.acdh-dev.oeaw.ac.at/api/ner-source/7/?format=api"
}