HTTP 200 OK
Allow: GET, PUT, PATCH, DELETE, HEAD, OPTIONS
Content-Type: application/json
Vary: Accept
{
"url": "https://nerdpool-api.acdh-dev.oeaw.ac.at/api/ner-sample/52880/?format=api",
"ner_text": "Religion. Nachdem nun die stende der augspurgischen confeßion bey dem Trautsam auf heut Sontags, den 9. Septembris, umb 2 uhr audientz erlangt unnd sy fur ine khommen, hat der churfürstlich pfaltzgrävisch vice cantzler furgebracht, es werden sich ire gnaden sonder zweifels zuberichten wissen, wessen sich die rkm., unnser allergenedigister H., auf der stende der augspurgischen confeßion beschehen aller underthenigisten anbringen resolvirt unnd den stenden darumb zuegelassen, sich darinn zuersehen unnd darauf zuebedenckhen. Allso hetten sy solche resolution gegen instructionibus gehalten und befendten, dz die sachen mit solcher resolution im wenigisten nit geholffen; dieweil aber an diser sachen nit allein den stenden der augspurgischen confeßion, sonnder dem gantzen Heyligen Römischen Reich merckhlich vil gelegen, unerwogen auch inen unverborgen, dz höchstgedachte rkm. mit vilen andern geschefften beladen, so hetten sy doch fur ein höchste notturfft, auch deßhalb von iren genedigisten, gnedigen herren unnd obern verner bevelch empfangen, bey irer rkm. ferner anzuehalten, wie sie dann darauf ir vernere notturfft inn schrifften verfasst unnd hiemit iren gnaden ubergeben theten des verhoffens, höchstgedachte rkm. wurde dise sachen verner zugemuet ziehen, erwegen unnd bedenckhen, dz sy nit zuverschlagen, sonder es dahin richten, damit gleiche handthabung des religion fridens angestelt unnd der religion frid erhallten werde; und petten entlich hierauf, dz ire Gn. dise schrifft hochstgedachter rkm. anbringen unnd irer Mt. uberraichen wollten, auh daran sein und befurdern helffen, damit diser sachen ire geburliche endtschafft geben werde, das geraicht nun zu der ehr Gottes unnd wurden es ire genedigiste unnd gnedige herrn und obern umb ire gnaden widerumb zubeschulden nit underlassen.",
"ner_sample": {
"text": "Religion. Nachdem nun die stende der augspurgischen confeßion bey dem Trautsam auf heut Sontags, den 9. Septembris, umb 2 uhr audientz erlangt unnd sy fur ine khommen, hat der churfürstlich pfaltzgrävisch vice cantzler furgebracht, es werden sich ire gnaden sonder zweifels zuberichten wissen, wessen sich die rkm., unnser allergenedigister H., auf der stende der augspurgischen confeßion beschehen aller underthenigisten anbringen resolvirt unnd den stenden darumb zuegelassen, sich darinn zuersehen unnd darauf zuebedenckhen. Allso hetten sy solche resolution gegen instructionibus gehalten und befendten, dz die sachen mit solcher resolution im wenigisten nit geholffen; dieweil aber an diser sachen nit allein den stenden der augspurgischen confeßion, sonnder dem gantzen Heyligen Römischen Reich merckhlich vil gelegen, unerwogen auch inen unverborgen, dz höchstgedachte rkm. mit vilen andern geschefften beladen, so hetten sy doch fur ein höchste notturfft, auch deßhalb von iren genedigisten, gnedigen herren unnd obern verner bevelch empfangen, bey irer rkm. ferner anzuehalten, wie sie dann darauf ir vernere notturfft inn schrifften verfasst unnd hiemit iren gnaden ubergeben theten des verhoffens, höchstgedachte rkm. wurde dise sachen verner zugemuet ziehen, erwegen unnd bedenckhen, dz sy nit zuverschlagen, sonder es dahin richten, damit gleiche handthabung des religion fridens angestelt unnd der religion frid erhallten werde; und petten entlich hierauf, dz ire Gn. dise schrifft hochstgedachter rkm. anbringen unnd irer Mt. uberraichen wollten, auh daran sein und befurdern helffen, damit diser sachen ire geburliche endtschafft geben werde, das geraicht nun zu der ehr Gottes unnd wurden es ire genedigiste unnd gnedige herrn und obern umb ire gnaden widerumb zubeschulden nit underlassen.",
"entities": [
[
88,
114,
"DATE"
],
[
120,
125,
"TIME"
]
]
},
"ner_ent_exist": true,
"ner_ent_type": "TIME,DATE",
"ner_source": "https://nerdpool-api.acdh-dev.oeaw.ac.at/api/ner-source/7/?format=api"
}