HTTP 200 OK
Allow: GET, PUT, PATCH, DELETE, HEAD, OPTIONS
Content-Type: application/json
Vary: Accept
{
"url": "https://nerdpool-api.acdh-dev.oeaw.ac.at/api/ner-sample/50853/?format=api",
"ner_text": "Weß aber unnd wievil der ksl. Mt. die erbaren stätt bewilligen wolten betrifft. Obwol auch inn dieser rathszeit vermeldet, das man schir verstunde, das die im firstenrath, auch yber die 48 monat gen und bewilligen solten. Derwegen davon geredt worden, ob uff solchen fall die stätt den im firsten rath alls den wenigern dann volgen oder bei den 48 monaten verharren oder uff ir bewilligung uff etwas geringers unnd uff ein lengere zeit unnd jar richten solten, alls aber daneben das betracht worden, do die erbaren sätt auch nit sonderpare bewilligung thun unnd sich mit den höhern bewilligung einer nit vergleichen, das allsdann unnd do irer ksl. Mt. drey underschidliche bewilligungen referirt werden sollen, ire Mt. sonders zweivels die hechsten praeception unnd annemmen wurden, das derwegen die erbaren stätt sich mit dem theill welcher das wenigist bewilligt pure vergleichen unnd in irem bedenncken, erstlich die beschwerden der erbaren stätt, wie dieselben hiebevor bey der relation dis ersten punctens alls Teürung, niderlendischen kriegs pranndtschatzung, verhärung unnd dergleichen repetirt unnd daneben doch tacite unnd in genere andeuten sollen, das es mit den erabrens tätten vil ein andere gelegenheit der steur halben alls mit der höhern heten. Item das auch die stätt höher alls die chur unnd firsten belegt wurden. Unnd ire bedenncken dahin richten, das sy sich demnach bey der ksl. Mt. von irer herrn unnd obern wegen allerunderthenigst getresten, ire ksl. Mt. soll die erbaren stätt geherter ursachen halben bey den bewilligten 16 oder 18 monat gelassen haben. Aber jedoch dieweil die noth und gefar je so groß vorhannden unnd vor augen sein soll, allso damit merhechstgedachte ksl. Mt. ja allergnedigst zuspiren und augenscheinlich zusehen heten, das ja die erbarne sätt an irem eissersten je nit gern etwas erwinden lassen wolten, so wellen sich die erbaren stätt mit denen (scilicet, die das weniger bewilligen werden) vergleichen unnd hiemit verainigt haben.",
"ner_sample": {
"text": "Weß aber unnd wievil der ksl. Mt. die erbaren stätt bewilligen wolten betrifft. Obwol auch inn dieser rathszeit vermeldet, das man schir verstunde, das die im firstenrath, auch yber die 48 monat gen und bewilligen solten. Derwegen davon geredt worden, ob uff solchen fall die stätt den im firsten rath alls den wenigern dann volgen oder bei den 48 monaten verharren oder uff ir bewilligung uff etwas geringers unnd uff ein lengere zeit unnd jar richten solten, alls aber daneben das betracht worden, do die erbaren sätt auch nit sonderpare bewilligung thun unnd sich mit den höhern bewilligung einer nit vergleichen, das allsdann unnd do irer ksl. Mt. drey underschidliche bewilligungen referirt werden sollen, ire Mt. sonders zweivels die hechsten praeception unnd annemmen wurden, das derwegen die erbaren stätt sich mit dem theill welcher das wenigist bewilligt pure vergleichen unnd in irem bedenncken, erstlich die beschwerden der erbaren stätt, wie dieselben hiebevor bey der relation dis ersten punctens alls Teürung, niderlendischen kriegs pranndtschatzung, verhärung unnd dergleichen repetirt unnd daneben doch tacite unnd in genere andeuten sollen, das es mit den erabrens tätten vil ein andere gelegenheit der steur halben alls mit der höhern heten. Item das auch die stätt höher alls die chur unnd firsten belegt wurden. Unnd ire bedenncken dahin richten, das sy sich demnach bey der ksl. Mt. von irer herrn unnd obern wegen allerunderthenigst getresten, ire ksl. Mt. soll die erbaren stätt geherter ursachen halben bey den bewilligten 16 oder 18 monat gelassen haben. Aber jedoch dieweil die noth und gefar je so groß vorhannden unnd vor augen sein soll, allso damit merhechstgedachte ksl. Mt. ja allergnedigst zuspiren und augenscheinlich zusehen heten, das ja die erbarne sätt an irem eissersten je nit gern etwas erwinden lassen wolten, so wellen sich die erbaren stätt mit denen (scilicet, die das weniger bewilligen werden) vergleichen unnd hiemit verainigt haben.",
"entities": []
},
"ner_ent_exist": false,
"ner_ent_type": null,
"ner_source": "https://nerdpool-api.acdh-dev.oeaw.ac.at/api/ner-source/7/?format=api"
}