{"url":"https://nerdpool-api.acdh-dev.oeaw.ac.at/api/ner-sample/65998/?format=json","ner_text":"Zum endt des gebetts pflegen sye auf beede seithen starckh umb zusehen. Darnach sezen sye nider, sprechen slunge slunge bey 40 oder mehr mahlen. Sie grießen unnd favorisieren den beeden englen, dem gueten unnd bößen genio. Der guete, wie sye vermeinen, stehe zu der linckhen, der böße aber zu der rechten. Zur linckhen reden sye den guten engel, alß wan er da stunde, mit freindlichen worten ahn, sprechendt: allahe illela. Darnach wenden sye das angesicht gegen der rechten und widerholen diße wort: allahe ille la, aber ganz ungestim unnd schnarchendt, alß wan sye den bößen engel wolten an den halß schlagen. Daß widerholen sye offter mahl. Ich hab in der hinein reiß zu Ponte Piculo an ihrem Sontag oder Sabath solchem ihrem gebett unnd gauckhelwerckh zugeschaut unnd alß sie nach gewohnheit ihres gebets also türmisch unnd zörnig etlich nach einander umbschauten, vermeinte ich nicht anderist, alß es gienge mich an unnd gieng auch gleich darauf zum tempel hinauß. Uber etlich tag hernach hab ich erst gemerckht unnd verstanden, das ich betrogen sey worden in meiner meinung, und solches umbschauen bey ihnen breüchig sey, damit sye dan auch ihr gebett endet.","ner_sample":{"text":"Zum endt des gebetts pflegen sye auf beede seithen starckh umb zusehen. Darnach sezen sye nider, sprechen slunge slunge bey 40 oder mehr mahlen. Sie grießen unnd favorisieren den beeden englen, dem gueten unnd bößen genio. Der guete, wie sye vermeinen, stehe zu der linckhen, der böße aber zu der rechten. Zur linckhen reden sye den guten engel, alß wan er da stunde, mit freindlichen worten ahn, sprechendt: allahe illela. Darnach wenden sye das angesicht gegen der rechten und widerholen diße wort: allahe ille la, aber ganz ungestim unnd schnarchendt, alß wan sye den bößen engel wolten an den halß schlagen. Daß widerholen sye offter mahl. Ich hab in der hinein reiß zu Ponte Piculo an ihrem Sontag oder Sabath solchem ihrem gebett unnd gauckhelwerckh zugeschaut unnd alß sie nach gewohnheit ihres gebets also türmisch unnd zörnig etlich nach einander umbschauten, vermeinte ich nicht anderist, alß es gienge mich an unnd gieng auch gleich darauf zum tempel hinauß. Uber etlich tag hernach hab ich erst gemerckht unnd verstanden, das ich betrogen sey worden in meiner meinung, und solches umbschauen bey ihnen breüchig sey, damit sye dan auch ihr gebett endet.","entities":[[179,192,"PER"],[223,232,"PER"],[276,284,"PER"],[571,582,"PER"],[674,686,"LOC"]]},"ner_ent_exist":true,"ner_ent_type":"LOC,PER","ner_source":"https://nerdpool-api.acdh-dev.oeaw.ac.at/api/ner-source/11/?format=json"}