{"url":"https://nerdpool-api.acdh-dev.oeaw.ac.at/api/ner-sample/53619/?format=json","ner_text":"Ego hab hiebey unnder anndern vermeldt, ich wüste mich wol zuerinnern, das der hertzog etlich mal bey denn stennden dis kreiß unnd meinem gn. hernn alß oberstenn umb hülff hette angesucht unndt zweivelt nitt, ihre fl. gn. werdenn sich gnedig wissenn zuberichten, daß mein gnediger her das jhenig, das irenn gn. als oberstem gepüert, darunder furgenommen, nemlich die sachen an die ausschreibennde furstenn unnd etlich auß denn furnembsten stennden gelanngen lassenn. Daruff dan ervolgt, daß mann zue Wormbs zuesamen khommen, vonn sachenn geredt, ire zugeordnete unnd anndere zu denn frantzoßen geschickt unnd die sachenn zu gueten mitteln gericht. Daß aber irenn fl. gnaden, wie unnd wann sie begehrenn vom kreyß ein stettige hülff verordnett, stehe inn meines gn. hernn bevelch nicht, sonnder der ausschreibenden fursten unnd der gemeinen stennde, woltte hoffen, ire fl. gn. werden m. gn. hernn enntschuldiget halttenn.","ner_sample":{"text":"Ego hab hiebey unnder anndern vermeldt, ich wüste mich wol zuerinnern, das der hertzog etlich mal bey denn stennden dis kreiß unnd meinem gn. hernn alß oberstenn umb hülff hette angesucht unndt zweivelt nitt, ihre fl. gn. werdenn sich gnedig wissenn zuberichten, daß mein gnediger her das jhenig, das irenn gn. als oberstem gepüert, darunder furgenommen, nemlich die sachen an die ausschreibennde furstenn unnd etlich auß denn furnembsten stennden gelanngen lassenn. Daruff dan ervolgt, daß mann zue Wormbs zuesamen khommen, vonn sachenn geredt, ire zugeordnete unnd anndere zu denn frantzoßen geschickt unnd die sachenn zu gueten mitteln gericht. Daß aber irenn fl. gnaden, wie unnd wann sie begehrenn vom kreyß ein stettige hülff verordnett, stehe inn meines gn. hernn bevelch nicht, sonnder der ausschreibenden fursten unnd der gemeinen stennde, woltte hoffen, ire fl. gn. werden m. gn. hernn enntschuldiget halttenn.","entities":[[500,506,"LOC"]]},"ner_ent_exist":true,"ner_ent_type":"LOC","ner_source":"https://nerdpool-api.acdh-dev.oeaw.ac.at/api/ner-source/7/?format=json"}