{"url":"https://nerdpool-api.acdh-dev.oeaw.ac.at/api/ner-sample/52996/?format=json","ner_text":"Nach disem seind die erbarn stett widerumb hinab in den Reichs rath erfordert unnd ist von dem meintzischen canntzler mundtlich referirt worden, dz nemblichen die chur- unnd fürstlichen abgesandten auß verlesung irer Mt. beschlußschrifften auf den andern unnd dritten articul irer Mt. proposition verstanden, dz ire Mt. aller puncten halben beschliessen, aber beneben in den ersten articul abermals allergenedigist der fiscalischen proceß halben begern thetten, wie aus irer Mt. beschlus schrifft zuvernemmen. Darauf hetten nun solches begeren die chur- unnd fürstliche abgesandte in berathschlagung gestelt unnd wolten gleich wol ires thails gern sehen, daß es bey dem vorigen proceß bewendten und verbleiben möchte. Dieweil aber irer Mt. die stende ganntz vätterlich vermahnet und bericht thette, wie es mit diser hilff geschaffen unnd sich die erlegung der hilff bey disem proceß gantz offt vermeldet, also hetten chur- unnd fürstliche abgesandte sich verglichen, dz irer Mt. in irem begern, doch auf maß (wie er, meitzischer canntzler nach langem mundtlich referirt unnd hiebey ligendt bedenckhen mit no. etc. außweist) zuwillfahren sein.","ner_sample":{"text":"Nach disem seind die erbarn stett widerumb hinab in den Reichs rath erfordert unnd ist von dem meintzischen canntzler mundtlich referirt worden, dz nemblichen die chur- unnd fürstlichen abgesandten auß verlesung irer Mt. beschlußschrifften auf den andern unnd dritten articul irer Mt. proposition verstanden, dz ire Mt. aller puncten halben beschliessen, aber beneben in den ersten articul abermals allergenedigist der fiscalischen proceß halben begern thetten, wie aus irer Mt. beschlus schrifft zuvernemmen. Darauf hetten nun solches begeren die chur- unnd fürstliche abgesandte in berathschlagung gestelt unnd wolten gleich wol ires thails gern sehen, daß es bey dem vorigen proceß bewendten und verbleiben möchte. Dieweil aber irer Mt. die stende ganntz vätterlich vermahnet und bericht thette, wie es mit diser hilff geschaffen unnd sich die erlegung der hilff bey disem proceß gantz offt vermeldet, also hetten chur- unnd fürstliche abgesandte sich verglichen, dz irer Mt. in irem begern, doch auf maß (wie er, meitzischer canntzler nach langem mundtlich referirt unnd hiebey ligendt bedenckhen mit no. etc. außweist) zuwillfahren sein.","entities":[]},"ner_ent_exist":false,"ner_ent_type":null,"ner_source":"https://nerdpool-api.acdh-dev.oeaw.ac.at/api/ner-source/7/?format=json"}