{"url":"https://nerdpool-api.acdh-dev.oeaw.ac.at/api/ner-sample/52989/?format=json","ner_text":"Dieweil dann nun an jetzo eben dasselb widerumb gesuecht, ob wol es nun so gar groß umb die ksl. executorn nit zuthuen umd sich die stett derselben so gar hoch nit zubeschweren hetten; in erwegung, do solches geschehen sollte, daß es alßdann bei der km. dises ansehen haben möcht, alls ob irer Mt. die stett, wie jurisdiction anziehen wollten, sonnder allein darumb sich zuwidersetzen, wie das die Kff. auch ire executorn dahin ordnen unnd inen gleich durch diesen weeg ein jurisdiction uber die erbarn frey- unnd Reichs stett schepffen unnd zuziehen wurden. So ist demnach einhellig beschlossen, dz sich die erbarn stet diser vorhabenden anstellung der executorn in die erbarn frey- unnd Reichs stett durchaus wie anno 71 nochmals widersetzen unnd nit einwilligen sollen, inn sonderer betrachtung, dz inen dardurch unnd durch das mitl ein höchster abbruch unnd schmelerung an irer jurisdiction, alten herkhommen, rechten unnd gerechtigkheiten beschehen wurde; verners verlesen, dz der stett abschidt, de annis ain- unnd zwey unnd sibentzig, wie auch die abgeferttigte schreiben an die km., auch churfürsten unnd sonnst diser sachen halben ausgangen, zu besserer anlaittung unnd nachrichtung herfur gesucht, von einer jeden panckh zweyer stett abgesandten zuubersehung unnd revidirung solcher abschid unnd schreiben deputirt, deroselben gelegenheit bedenckhen unnd erwegen, auch, was den erbarn stetten an jetzo zuthuen, deliberiren unnd hieruber ir gutdunckhen unnd bedenckhen eröffnen sollen. Inmitlst und under dessen aber soll der meintzisch canntzler mit ehistem, unnd zuvor unnd ehe der stende verner bedenckhen diß punctens halben der km. referirt würdet, durch die zwen deputirte (welche ohne das auch der erbarn stett stimm unnd seßion halb bey ime verrichtung zuthuen) ersuecht werden, die wortt unnd meinung der executorn halben in der stennde bedenckhen zuumbgehn unnd außzulassen. Do nun dasselb bey dem meintzischen cantzler statt, hett es seinen weeg, wo nit, sollte auch der herr vice canntzler gebetten werden, solches bey irer Mt. anzubringen und zubitten, die erbarn stett mit den executorn unnd disem vorhabenden werckh nit zubeschweren, sonnder sy bei den muntzordnungen unnd deßhalb publicirten abschiden allergenedigist bleiben zulassen. Do nun der meintzisch canntzler das bedenckhen, wie es abgelesen, mit dem anhang der executorn der km. also referirn unnd praesentirn sollte, damit nun die erbarn stett nit angesehen worden, daß sy solches mit irer praesentia unnd gegenwart tacite approbirten unnd beliebten, sollen sy es, wie im ablesen auch geschehen, widersprechen.","ner_sample":{"text":"Dieweil dann nun an jetzo eben dasselb widerumb gesuecht, ob wol es nun so gar groß umb die ksl. executorn nit zuthuen umd sich die stett derselben so gar hoch nit zubeschweren hetten; in erwegung, do solches geschehen sollte, daß es alßdann bei der km. dises ansehen haben möcht, alls ob irer Mt. die stett, wie jurisdiction anziehen wollten, sonnder allein darumb sich zuwidersetzen, wie das die Kff. auch ire executorn dahin ordnen unnd inen gleich durch diesen weeg ein jurisdiction uber die erbarn frey- unnd Reichs stett schepffen unnd zuziehen wurden. So ist demnach einhellig beschlossen, dz sich die erbarn stet diser vorhabenden anstellung der executorn in die erbarn frey- unnd Reichs stett durchaus wie anno 71 nochmals widersetzen unnd nit einwilligen sollen, inn sonderer betrachtung, dz inen dardurch unnd durch das mitl ein höchster abbruch unnd schmelerung an irer jurisdiction, alten herkhommen, rechten unnd gerechtigkheiten beschehen wurde; verners verlesen, dz der stett abschidt, de annis ain- unnd zwey unnd sibentzig, wie auch die abgeferttigte schreiben an die km., auch churfürsten unnd sonnst diser sachen halben ausgangen, zu besserer anlaittung unnd nachrichtung herfur gesucht, von einer jeden panckh zweyer stett abgesandten zuubersehung unnd revidirung solcher abschid unnd schreiben deputirt, deroselben gelegenheit bedenckhen unnd erwegen, auch, was den erbarn stetten an jetzo zuthuen, deliberiren unnd hieruber ir gutdunckhen unnd bedenckhen eröffnen sollen. Inmitlst und under dessen aber soll der meintzisch canntzler mit ehistem, unnd zuvor unnd ehe der stende verner bedenckhen diß punctens halben der km. referirt würdet, durch die zwen deputirte (welche ohne das auch der erbarn stett stimm unnd seßion halb bey ime verrichtung zuthuen) ersuecht werden, die wortt unnd meinung der executorn halben in der stennde bedenckhen zuumbgehn unnd außzulassen. Do nun dasselb bey dem meintzischen cantzler statt, hett es seinen weeg, wo nit, sollte auch der herr vice canntzler gebetten werden, solches bey irer Mt. anzubringen und zubitten, die erbarn stett mit den executorn unnd disem vorhabenden werckh nit zubeschweren, sonnder sy bei den muntzordnungen unnd deßhalb publicirten abschiden allergenedigist bleiben zulassen. Do nun der meintzisch canntzler das bedenckhen, wie es abgelesen, mit dem anhang der executorn der km. also referirn unnd praesentirn sollte, damit nun die erbarn stett nit angesehen worden, daß sy solches mit irer praesentia unnd gegenwart tacite approbirten unnd beliebten, sollen sy es, wie im ablesen auch geschehen, widersprechen.","entities":[[715,722,"DATE"],[1005,1040,"DATE"]]},"ner_ent_exist":true,"ner_ent_type":"DATE","ner_source":"https://nerdpool-api.acdh-dev.oeaw.ac.at/api/ner-source/7/?format=json"}