{"url":"https://nerdpool-api.acdh-dev.oeaw.ac.at/api/ner-sample/52961/?format=json","ner_text":"Stetrat. Zaigten meine herren an, wie das sy von meinen herren, einem erbarn camerer unnd rath alhie, bevelch empfangen, der erbarn frey- unnd Reichs stett abgesandten zuvermelden unnd bey demselben anzubringen, Regenspurg contra Reichs marschalckh. das sich nemblichen zwischen inen unnd dem Reichs marschalckh, dem von Pappenheim, stritt begeben derogestalt, daß er inen allerhandt vilfaltige einträg an irer jurisdiction gethon unnd sy sonnst in vil weg disen Reichs tag uber beschwerdt het. Obwol sy nun alle guetliche mittl unnd weeg gesuecht in guettem von ime zukhommen, alls aber ye nichts helffen wöllen und bey ime zuerhallten gewesen, weren sy verursacht worden, solches der km. clagendt aller underthenigist fur- unnd anzubringen, darauf dann ire km. zu abhelffung diser stritt commißarien verordnet. Dieweil dan dise irrung nit allein meine herrn oder gemeine statt Regenspurg, sonder auch andere erbare frey- unnd reichsstett, sonderlich die jhenigen, bei denen gemeinclich die Reichs täg gehalten wurden, mit betreff und anlangte, allso unnd derowegen hetten sy fur ein höchste notturfft eracht, das die erbarn stett dz irig auch dabei thuen unnd auß irem mitl darzuordnen sollen, anzuhören unnd zuvernemmen, was fur recht, jurisdiction unnd gerechtigkheit der Reichs marschalckh auf den Reichs tagen zuhaben vernemen unnd furwenden werde. Es hetten auch meine herrn nit underlossen, deßhalben einem erbarn rath der statt Augspurg, alß dero ortten die maisten reichstag gehalten wurden, mit erzelung der beschwerdten umb bericht zuzueschreiben; was aber nun meiner herrn furnemblichen beschwerden weren, auch was inen fur antwortt unnd bericht von den herren von Augspurg darauf ervolgt, wer aus den schreiben hinc inde, welches sy alßbalden ubergeben, hiebei mit no. abzunemen.","ner_sample":{"text":"Stetrat. Zaigten meine herren an, wie das sy von meinen herren, einem erbarn camerer unnd rath alhie, bevelch empfangen, der erbarn frey- unnd Reichs stett abgesandten zuvermelden unnd bey demselben anzubringen, Regenspurg contra Reichs marschalckh. das sich nemblichen zwischen inen unnd dem Reichs marschalckh, dem von Pappenheim, stritt begeben derogestalt, daß er inen allerhandt vilfaltige einträg an irer jurisdiction gethon unnd sy sonnst in vil weg disen Reichs tag uber beschwerdt het. Obwol sy nun alle guetliche mittl unnd weeg gesuecht in guettem von ime zukhommen, alls aber ye nichts helffen wöllen und bey ime zuerhallten gewesen, weren sy verursacht worden, solches der km. clagendt aller underthenigist fur- unnd anzubringen, darauf dann ire km. zu abhelffung diser stritt commißarien verordnet. Dieweil dan dise irrung nit allein meine herrn oder gemeine statt Regenspurg, sonder auch andere erbare frey- unnd reichsstett, sonderlich die jhenigen, bei denen gemeinclich die Reichs täg gehalten wurden, mit betreff und anlangte, allso unnd derowegen hetten sy fur ein höchste notturfft eracht, das die erbarn stett dz irig auch dabei thuen unnd auß irem mitl darzuordnen sollen, anzuhören unnd zuvernemmen, was fur recht, jurisdiction unnd gerechtigkheit der Reichs marschalckh auf den Reichs tagen zuhaben vernemen unnd furwenden werde. Es hetten auch meine herrn nit underlossen, deßhalben einem erbarn rath der statt Augspurg, alß dero ortten die maisten reichstag gehalten wurden, mit erzelung der beschwerdten umb bericht zuzueschreiben; was aber nun meiner herrn furnemblichen beschwerden weren, auch was inen fur antwortt unnd bericht von den herren von Augspurg darauf ervolgt, wer aus den schreiben hinc inde, welches sy alßbalden ubergeben, hiebei mit no. abzunemen.","entities":[[212,222,"LOC"],[879,889,"LOC"],[1437,1445,"LOC"],[1678,1686,"LOC"]]},"ner_ent_exist":true,"ner_ent_type":"LOC","ner_source":"https://nerdpool-api.acdh-dev.oeaw.ac.at/api/ner-source/7/?format=json"}