{"url":"https://nerdpool-api.acdh-dev.oeaw.ac.at/api/ner-sample/52953/?format=json","ner_text":"Religionsrat. Seind der stende der augspurgischen confeßion verwandt abgesandte in den pfaltzgrävischen hoff zuesamen berueffen unnd, alß sy dahin in zimlicher antzal (ausserhalb der kfl. sächssischen, die sich hievor von disem religion werckh abgesöndert, auch der churfürstlich prandenburgischen räthe, welches damals aussen bliben) erschinen, ist von dem pfaltzgrävischen vice canntzler proponirt worden, daß sich der stende zweifels ohn in der km. vernern resolution auf der stende abermals beschehen anbringen nun mehr ersehen; derowegen hette sy fur gut angesehen, dieweil der Reichs tag nun vasst zum ende lauffen wollte, die stend zuvor nochmals zusamen zuerfordern unnd davon zu deliberirn unnd zureden, waß auf der km. resolution den stenden zuthuen sein wölle. Es sey gleichwol den hertzog Georgen, pfaltzgraven, auch angesagt, aber ire f. Gn. hetten sich entschuldigen lassen, daß sy obligender irer aigner geschefft halben nit erschinen. Nit weniger weren auch die churfürstlichen brandenburgischen räth hierzue erfordert, aber als es inen villeicht zuspat angesagt, weren sy schon in kirchen gangen. Unnd ist hernach alßbald zu besser anrichtung unnd desto fruchtbarlicher berathschlagung der km. resolution abgelesen unnd, was darauf zuthuen, ein umbfrag gehalten. Letztlich nach langer deliberation geschlossen worden, daß es die stende der augspurgischen confeßion bey diser resolution nit sollen ersitzen lassen unnd darzue stillschweigen, damit es nit ansehen gewinnen unnd ire Mt. erachten möchten, das die stende damit wol zufriden unnd also irer Mt. resolution stillschweigendt accepirt unnd angenommen hetten, sonndern unnd das die stende erstlich der rkm. argumentum in der resolution diluirn unnd solvirn unnd irer Mt. andeutten sollen, dz die stende den religion friden nit begerten zuendern oder demselben ettwas zu addirn, sonndern daß derselb allein gleichmessig unnd steiff unnd niemandt darwider beschwerdt, ebnermassen auch die declaration gehalten unnd dem ksl. camergericht insinuirt werde und das derowegen die stend in nichten, in ettwas wider irer Mt. möchten zuthuen, nit stehet, angemuet oder gesuecht hetten. Derowegen sich die stende ungezweiffelt getrössten unnd versehen sollen unnd wöllen, dz ire Mt. sich der stende begern nach allergenedigist resolviert haben sollen. Dieweil solches aber nit beschehen, so soll ire km. nochmals aller underthenigist gebetten, diser sachen einen andern schlag unnd maß zugeben; sonsten soll auch ire km. erinnert unnd irem erpieten nach gebetten werden, unpartheysche commißarien also unnd dermassen zuverordnen, dz das werckh ertzaig unnd außweise, ettwas irer Mt. erpieten nach im werckh ervolgt unnd den betrangten geholffen sei.","ner_sample":{"text":"Religionsrat. Seind der stende der augspurgischen confeßion verwandt abgesandte in den pfaltzgrävischen hoff zuesamen berueffen unnd, alß sy dahin in zimlicher antzal (ausserhalb der kfl. sächssischen, die sich hievor von disem religion werckh abgesöndert, auch der churfürstlich prandenburgischen räthe, welches damals aussen bliben) erschinen, ist von dem pfaltzgrävischen vice canntzler proponirt worden, daß sich der stende zweifels ohn in der km. vernern resolution auf der stende abermals beschehen anbringen nun mehr ersehen; derowegen hette sy fur gut angesehen, dieweil der Reichs tag nun vasst zum ende lauffen wollte, die stend zuvor nochmals zusamen zuerfordern unnd davon zu deliberirn unnd zureden, waß auf der km. resolution den stenden zuthuen sein wölle. Es sey gleichwol den hertzog Georgen, pfaltzgraven, auch angesagt, aber ire f. Gn. hetten sich entschuldigen lassen, daß sy obligender irer aigner geschefft halben nit erschinen. Nit weniger weren auch die churfürstlichen brandenburgischen räth hierzue erfordert, aber als es inen villeicht zuspat angesagt, weren sy schon in kirchen gangen. Unnd ist hernach alßbald zu besser anrichtung unnd desto fruchtbarlicher berathschlagung der km. resolution abgelesen unnd, was darauf zuthuen, ein umbfrag gehalten. Letztlich nach langer deliberation geschlossen worden, daß es die stende der augspurgischen confeßion bey diser resolution nit sollen ersitzen lassen unnd darzue stillschweigen, damit es nit ansehen gewinnen unnd ire Mt. erachten möchten, das die stende damit wol zufriden unnd also irer Mt. resolution stillschweigendt accepirt unnd angenommen hetten, sonndern unnd das die stende erstlich der rkm. argumentum in der resolution diluirn unnd solvirn unnd irer Mt. andeutten sollen, dz die stende den religion friden nit begerten zuendern oder demselben ettwas zu addirn, sonndern daß derselb allein gleichmessig unnd steiff unnd niemandt darwider beschwerdt, ebnermassen auch die declaration gehalten unnd dem ksl. camergericht insinuirt werde und das derowegen die stend in nichten, in ettwas wider irer Mt. möchten zuthuen, nit stehet, angemuet oder gesuecht hetten. Derowegen sich die stende ungezweiffelt getrössten unnd versehen sollen unnd wöllen, dz ire Mt. sich der stende begern nach allergenedigist resolviert haben sollen. Dieweil solches aber nit beschehen, so soll ire km. nochmals aller underthenigist gebetten, diser sachen einen andern schlag unnd maß zugeben; sonsten soll auch ire km. erinnert unnd irem erpieten nach gebetten werden, unpartheysche commißarien also unnd dermassen zuverordnen, dz das werckh ertzaig unnd außweise, ettwas irer Mt. erpieten nach im werckh ervolgt unnd den betrangten geholffen sei.","entities":[[793,808,"PER"]]},"ner_ent_exist":true,"ner_ent_type":"PER","ner_source":"https://nerdpool-api.acdh-dev.oeaw.ac.at/api/ner-source/7/?format=json"}