{"url":"https://nerdpool-api.acdh-dev.oeaw.ac.at/api/ner-sample/52856/?format=json","ner_text":"Reichs rat. Uff solches ist der Reichs marschalckh vor der stett rath selbs personlich erschinen und sy hinab in den Reichs rath zuerscheinen erfordert; allß sy nun hinab khommen, ist durch den meintzischen canntzler ungeverlich angezeigt worden: Deß Heyligen Römischen Reichs erbare frey- unnd Reich stett, edle, hochgelerte, ersame unnd weyse, gunstige herren unnd guette freundt, was die km. den stenden des Reichs vonwegen des pollnischen werckhs proponiren lassen, dz alles hetten die chur- unnd fürstliche räth, seine gnedige unnd gonstige herren, notturfftigclich erwogen, bedacht unnd berathschlaget, unnd befunden anfengkhlichs aus irer km. ubergebenen bericht, dz sich ire km. nit ohne sondere hohe ursachen, damit sollich königreich Polln bey der alten confederation, verstandt unnd vertrauligkheit bey dem Heyligen Römischen Reich bleiben möchte, angenommen hette. Also hetten die stende vernunfftigclichen bedacht, dz sich ire km. auch mit der that solchs königreichs Polln anzunemen wol befuegt weren. Dieweil aber entgegen auch die ungelegenheit deß Heyligen Römischen Reichs unnd wie es diser zeit mit demselben beschaffen, hetten sich chur- unnd fürstliche gesandten eines bedenckhens dahin verglichen, irer km. sich der cron Polln mit der that anzunemen zuwiderrathen, sonder villeicht ire km. aller underthenigist dahin zuweisen, dz ire km. uff mittel unnd weg bedacht, wie sich etwan außlendische potentaten inn solche sach schlugen, den Battori unnd alle stende der cron Polln alle gelegenheit berichten unnd zu beeden theiln die sachen dahin richten unnd bringen möchten, damit es bey allter vertraulicher correspondentz verbleiben unnd guter frid und einigkhait im Heyligen Römischen Reich teutscher nation gepflantzt unnd erhallten werden möchte; auch uff sein deß Battori absterben unnd ohne hinderlassung einicher manlichen leibs erben solche cron Polln uff die km. oder dero geliebten sun einen widerkommen unnd devotiert werden möcht des verhoffens, die km. wurden solch der stende bedenckhen gleichwol der km. inn schrifften nit ubergeben, sonndern allein mundtlich relations weis angedeutet werden sollte.","ner_sample":{"text":"Reichs rat. Uff solches ist der Reichs marschalckh vor der stett rath selbs personlich erschinen und sy hinab in den Reichs rath zuerscheinen erfordert; allß sy nun hinab khommen, ist durch den meintzischen canntzler ungeverlich angezeigt worden: Deß Heyligen Römischen Reichs erbare frey- unnd Reich stett, edle, hochgelerte, ersame unnd weyse, gunstige herren unnd guette freundt, was die km. den stenden des Reichs vonwegen des pollnischen werckhs proponiren lassen, dz alles hetten die chur- unnd fürstliche räth, seine gnedige unnd gonstige herren, notturfftigclich erwogen, bedacht unnd berathschlaget, unnd befunden anfengkhlichs aus irer km. ubergebenen bericht, dz sich ire km. nit ohne sondere hohe ursachen, damit sollich königreich Polln bey der alten confederation, verstandt unnd vertrauligkheit bey dem Heyligen Römischen Reich bleiben möchte, angenommen hette. Also hetten die stende vernunfftigclichen bedacht, dz sich ire km. auch mit der that solchs königreichs Polln anzunemen wol befuegt weren. Dieweil aber entgegen auch die ungelegenheit deß Heyligen Römischen Reichs unnd wie es diser zeit mit demselben beschaffen, hetten sich chur- unnd fürstliche gesandten eines bedenckhens dahin verglichen, irer km. sich der cron Polln mit der that anzunemen zuwiderrathen, sonder villeicht ire km. aller underthenigist dahin zuweisen, dz ire km. uff mittel unnd weg bedacht, wie sich etwan außlendische potentaten inn solche sach schlugen, den Battori unnd alle stende der cron Polln alle gelegenheit berichten unnd zu beeden theiln die sachen dahin richten unnd bringen möchten, damit es bey allter vertraulicher correspondentz verbleiben unnd guter frid und einigkhait im Heyligen Römischen Reich teutscher nation gepflantzt unnd erhallten werden möchte; auch uff sein deß Battori absterben unnd ohne hinderlassung einicher manlichen leibs erben solche cron Polln uff die km. oder dero geliebten sun einen widerkommen unnd devotiert werden möcht des verhoffens, die km. wurden solch der stende bedenckhen gleichwol der km. inn schrifften nit ubergeben, sonndern allein mundtlich relations weis angedeutet werden sollte.","entities":[[744,749,"LOC"],[981,986,"LOC"],[1243,1248,"LOC"],[1492,1497,"LOC"],[1874,1879,"LOC"]]},"ner_ent_exist":true,"ner_ent_type":"LOC","ner_source":"https://nerdpool-api.acdh-dev.oeaw.ac.at/api/ner-source/7/?format=json"}