{"url":"https://nerdpool-api.acdh-dev.oeaw.ac.at/api/ner-sample/50925/?format=json","ner_text":"Nach disem sind die erbaren stätt widerumb hinab inn den reichsrath erfordert unnd ist von dem meinetzischen canntzler mundtlich referirt worden, das nemblich die chur unnd firstlichen abgesanndten us verlesung irer Mt. beschlusschrifften uff den 2. unnd driten articel irer Mt. proposition verstannden, das ire Mt. aller puncten halben beschlissen aber beneben inn denn ersten articel abermals allergnedigst der fiscalischen proceß halben begern theten, wie us irer Mt. beschlusschrifft zuvernemmen. Darauff heten nhun solches begern, die chur unnd firstliche abgesanndten in berathschlagung gestelt unnd wolten gleichwol ires thiels gern sehen,d as es bey dem vorigen proceß bewennden unnd verpleiben mechte, diweil aber irer Mt. die stennde ganntz vätterlich vermanet unnd bericht theten, wie es mit dieser hilff geschaffen und sich die erlegung der hilff bey disem proceß ganntz off ver.... allso heten chur und fistliche abgesanndte sich verglichen, das irer Mt. in irem begern doch uff maß (wie er meintzischen cantzler nach lanngem mundtlich referirt unnd hiebey ligendt bedenncken mit No. usweiset) zuwillfarn sein.","ner_sample":{"text":"Nach disem sind die erbaren stätt widerumb hinab inn den reichsrath erfordert unnd ist von dem meinetzischen canntzler mundtlich referirt worden, das nemblich die chur unnd firstlichen abgesanndten us verlesung irer Mt. beschlusschrifften uff den 2. unnd driten articel irer Mt. proposition verstannden, das ire Mt. aller puncten halben beschlissen aber beneben inn denn ersten articel abermals allergnedigst der fiscalischen proceß halben begern theten, wie us irer Mt. beschlusschrifft zuvernemmen. Darauff heten nhun solches begern, die chur unnd firstliche abgesanndten in berathschlagung gestelt unnd wolten gleichwol ires thiels gern sehen,d as es bey dem vorigen proceß bewennden unnd verpleiben mechte, diweil aber irer Mt. die stennde ganntz vätterlich vermanet unnd bericht theten, wie es mit dieser hilff geschaffen und sich die erlegung der hilff bey disem proceß ganntz off ver.... allso heten chur und fistliche abgesanndte sich verglichen, das irer Mt. in irem begern doch uff maß (wie er meintzischen cantzler nach lanngem mundtlich referirt unnd hiebey ligendt bedenncken mit No. usweiset) zuwillfarn sein.","entities":[]},"ner_ent_exist":false,"ner_ent_type":null,"ner_source":"https://nerdpool-api.acdh-dev.oeaw.ac.at/api/ner-source/7/?format=json"}