{"url":"https://nerdpool-api.acdh-dev.oeaw.ac.at/api/ner-sample/50916/?format=json","ner_text":"Dieweil dann nhun anjtzo eben dasselb widerumb gesucht. Obwol es nun so gar groß umb die ksl. executorn nit zuthun unnd sich die stätt derselben so gar hoch nit zubeschweren heten, in erwegung, do solches geschehen solte, das es alsdann bey der ksl. Mt. dises ansehen haben mecht, alls ob irer Mt. die stätt ihr jurisdiction entziehen wolten, sonnder allein darumb sich zu widersetzen, wie daß die churf., auch ire executorn dahin ordnen unnd inen gleich durch disen weg ein jurisdicition yber die erbaren frey unnd reichsstätt schepffen unnd zu ziehen wurden, so ist demnach einhellig beschlossen, das sich die erbaren stätt dieser vorhabenden anstellung der executorn inn die erbaren frey und reichs stätt durch us, wie anno 71 nochmals widersetzen unnd mit einwilligen sollen, inn sonderer betrachtung, das inen dardurch und durch das mitel ein hechster abbruch und schmelerung an irer jurisdicition aleten herkommen, rechten und gerechtigkaiten beschehen wurde, verrners verlesen, das der stätt abschid de annis 71 und 72, wie auch die abgeferigte schreiben an die ksl. Mt., auch chur-, firsten unnd sonnst dieser sachen halben usgangen, zu bößerer anlaitung unnd nachrichtung herfir gesucht, von einer jeden pannckh zweier stätt abgesanndten zuubersehung unnd zu recindierung solcher abschid unnd schreiben deputirt, derselben gelegenheit bedenncken unnd erwegen, auch was den erabrens tätten an jetzo zuthun, deliberiren unnd hiriber ir gut dunncken unnd be- denncken eröffnen sollen, in mitelst unnd underdessen aber soll der meintzisch cantzler mit ehistem und zuvor unnd ehe der stennde verrer bedenncken dis punctens halben der ksl. Mt. referirt wirdet, durch in inen deputirte (welche one das auch der erbarens tätt stimm unnd session halb bey ime verrichtung zuthun) ersucht werden, die wort unnd mainung der executorn halben inn der stennde bedenncken zu umbgen unnd uszulassen. Do nhun dasselb bey dem meintzischen cantzler statt hete es einen weg. Wo nit, solte auch der herr vice cantzler gebeten werden, solches bey irer Mt. anzupringen und zubiten, die erbaren stätt mit der executorn unnd disem vorhabenden werckh nit zubeschweren, sonnder sy bei den mintzordnungen und deshalb publicirten abschiden allergnedigst pleiben zulassen. Do nun der meintzisch cantzler das bedenncken, wie es abgelesen mit dem anhanng der executorn der ksl. Mt. allso referiren unnd presentiren solte, damit nun die erbaren stätt nit angesehen werden, das sy solches mit irer praesentia unnd gegenwart tacite approbierten unnd beleißten, sollen sy es wie im ablesen auch beschehen, widersprechen.","ner_sample":{"text":"Dieweil dann nhun anjtzo eben dasselb widerumb gesucht. Obwol es nun so gar groß umb die ksl. executorn nit zuthun unnd sich die stätt derselben so gar hoch nit zubeschweren heten, in erwegung, do solches geschehen solte, das es alsdann bey der ksl. Mt. dises ansehen haben mecht, alls ob irer Mt. die stätt ihr jurisdiction entziehen wolten, sonnder allein darumb sich zu widersetzen, wie daß die churf., auch ire executorn dahin ordnen unnd inen gleich durch disen weg ein jurisdicition yber die erbaren frey unnd reichsstätt schepffen unnd zu ziehen wurden, so ist demnach einhellig beschlossen, das sich die erbaren stätt dieser vorhabenden anstellung der executorn inn die erbaren frey und reichs stätt durch us, wie anno 71 nochmals widersetzen unnd mit einwilligen sollen, inn sonderer betrachtung, das inen dardurch und durch das mitel ein hechster abbruch und schmelerung an irer jurisdicition aleten herkommen, rechten und gerechtigkaiten beschehen wurde, verrners verlesen, das der stätt abschid de annis 71 und 72, wie auch die abgeferigte schreiben an die ksl. Mt., auch chur-, firsten unnd sonnst dieser sachen halben usgangen, zu bößerer anlaitung unnd nachrichtung herfir gesucht, von einer jeden pannckh zweier stätt abgesanndten zuubersehung unnd zu recindierung solcher abschid unnd schreiben deputirt, derselben gelegenheit bedenncken unnd erwegen, auch was den erabrens tätten an jetzo zuthun, deliberiren unnd hiriber ir gut dunncken unnd be- denncken eröffnen sollen, in mitelst unnd underdessen aber soll der meintzisch cantzler mit ehistem und zuvor unnd ehe der stennde verrer bedenncken dis punctens halben der ksl. Mt. referirt wirdet, durch in inen deputirte (welche one das auch der erbarens tätt stimm unnd session halb bey ime verrichtung zuthun) ersucht werden, die wort unnd mainung der executorn halben inn der stennde bedenncken zu umbgen unnd uszulassen. Do nhun dasselb bey dem meintzischen cantzler statt hete es einen weg. Wo nit, solte auch der herr vice cantzler gebeten werden, solches bey irer Mt. anzupringen und zubiten, die erbaren stätt mit der executorn unnd disem vorhabenden werckh nit zubeschweren, sonnder sy bei den mintzordnungen und deshalb publicirten abschiden allergnedigst pleiben zulassen. Do nun der meintzisch cantzler das bedenncken, wie es abgelesen mit dem anhanng der executorn der ksl. Mt. allso referiren unnd presentiren solte, damit nun die erbaren stätt nit angesehen werden, das sy solches mit irer praesentia unnd gegenwart tacite approbierten unnd beleißten, sollen sy es wie im ablesen auch beschehen, widersprechen.","entities":[[722,729,"DATE"],[1010,1018,"DATE"],[1023,1025,"DATE"]]},"ner_ent_exist":true,"ner_ent_type":"DATE","ner_source":"https://nerdpool-api.acdh-dev.oeaw.ac.at/api/ner-source/7/?format=json"}