{"url":"https://nerdpool-api.acdh-dev.oeaw.ac.at/api/ner-sample/50846/?format=json","ner_text":"Darauff ist gleich von maistestheils der erbaren stätt abgesanndten fir gut und rathsam angesehen, do die höhern dessen auch gedenncken unnd irer Mt. begern nach mitl und wege, wie diese contribution wol anzulegen sein soll, auch ires theils schliessen wurden, das das Reich ire muster unnd penningmeister auch kriegs- räthe darzu ordnen und halten wurden,d as uff solchen fall die erbaren stätt sich nit söndern, sondern deren sich mit den höhern vergleichen unnd beifall thun solten. Daentgegen aer ist sonderlich von der statt Cölln, Ulm und etlichen andern wenig stätten, so inen zugestimpt, fir bedencklich unnd gar unrathsam gehalten worden, das die erbaren stätt irer ksl. Mt. maß oder ordnung wie diese hilff wol anzulegen firschreiben unnd die purdt uff sich laden solten, dann erstlichen zu underhaltung der personen, so zu dem kriegs werckh zuverordnen unnd zuhalten ein grosser uncosten aufflauffen wurde, zum andern es kinfftig diese nachvolgent consequentz geben mechte, wann die zeit dieser bewilligter contribution verschinen unnd ir entschafft erraichen solte, das alsdann ire Mt. widerumb kommen und derogleichen begern anstellen, auß welchem dann dem Reich, das ervolgen, das es sich hinfiro mit der ganntzen defension gegen dem erbfeindt beladen unnd der kinfftig nit widerumb wol entschitten wurden kennen.","ner_sample":{"text":"Darauff ist gleich von maistestheils der erbaren stätt abgesanndten fir gut und rathsam angesehen, do die höhern dessen auch gedenncken unnd irer Mt. begern nach mitl und wege, wie diese contribution wol anzulegen sein soll, auch ires theils schliessen wurden, das das Reich ire muster unnd penningmeister auch kriegs- räthe darzu ordnen und halten wurden,d as uff solchen fall die erbaren stätt sich nit söndern, sondern deren sich mit den höhern vergleichen unnd beifall thun solten. Daentgegen aer ist sonderlich von der statt Cölln, Ulm und etlichen andern wenig stätten, so inen zugestimpt, fir bedencklich unnd gar unrathsam gehalten worden, das die erbaren stätt irer ksl. Mt. maß oder ordnung wie diese hilff wol anzulegen firschreiben unnd die purdt uff sich laden solten, dann erstlichen zu underhaltung der personen, so zu dem kriegs werckh zuverordnen unnd zuhalten ein grosser uncosten aufflauffen wurde, zum andern es kinfftig diese nachvolgent consequentz geben mechte, wann die zeit dieser bewilligter contribution verschinen unnd ir entschafft erraichen solte, das alsdann ire Mt. widerumb kommen und derogleichen begern anstellen, auß welchem dann dem Reich, das ervolgen, das es sich hinfiro mit der ganntzen defension gegen dem erbfeindt beladen unnd der kinfftig nit widerumb wol entschitten wurden kennen.","entities":[[530,535,"LOC"],[537,540,"LOC"]]},"ner_ent_exist":true,"ner_ent_type":"LOC","ner_source":"https://nerdpool-api.acdh-dev.oeaw.ac.at/api/ner-source/7/?format=json"}