{"url":"https://nerdpool-api.acdh-dev.oeaw.ac.at/api/ner-sample/50823/?format=json","ner_text":"ist in reichsrath angesagt unnd alls alle stennde zusamen kommen von dem meintzischen cantzler der höhern bedenncken der stätt abgesanndten des fuldischen werckhs halben ungeverlichen nachvolgendermassen mundtlich erderirt und den titul geben worden der des hl. röm. Reichs frey und reichsstätt abgesanndten räth unnd potschafften ernveste firsichtige ersame hochgelerte ginstige liebe herrn unnd freundt (wie dannd er meintzisch canntzler jedesmals der erbaren stätten disen titulum so offt im reichs rath referirt unnd correferirt oder da sonst etwas im reichsrath tractirt worden gegeben und zugelegt) es heten der chur und firsten abgesanndte räth und potschafften was die stritigkeiten zwischen dem bischoff zu Wirtzburg unnd dann dem abt zu Fulda, auch dechant und capitel desgleichen die riterschfft daselbst anlangent und was zwischen inen firgeloffen in iren räthen davon tractirt und gehanndlet und diweil dann die röm. ksl. Mt. begern und den stennden andeuten theten, das auch sy die wichtigkeit dieser sachen ponderirn und erwegen, irer Mt. ir gut bedencken und beduncken hiriber eröffnen solten, also heten sy solches alles ponderirt und dieser sachen notturfft nach erwogen. Auch referirt und correferirt und heten sich die churfirstliche räth und potschafften us allerhanndt motiven unnd bewegnussen dises bedennckens verglichen, das nelich der abt zu Fulda uff der ksl. Mt. usgangne und insinuirte mandata allerdings widerumb restitiuirt werden solle, wie dann die churf. räth und potschafften, diweil sich die im firstenrath dieses halben mit inen nit vergleichen kendten, dieses ir bedenncken bey der ksl. Mt. anzupringen und ire Mt. zu referiren entschlossen unnd willens.","ner_sample":{"text":"ist in reichsrath angesagt unnd alls alle stennde zusamen kommen von dem meintzischen cantzler der höhern bedenncken der stätt abgesanndten des fuldischen werckhs halben ungeverlichen nachvolgendermassen mundtlich erderirt und den titul geben worden der des hl. röm. Reichs frey und reichsstätt abgesanndten räth unnd potschafften ernveste firsichtige ersame hochgelerte ginstige liebe herrn unnd freundt (wie dannd er meintzisch canntzler jedesmals der erbaren stätten disen titulum so offt im reichs rath referirt unnd correferirt oder da sonst etwas im reichsrath tractirt worden gegeben und zugelegt) es heten der chur und firsten abgesanndte räth und potschafften was die stritigkeiten zwischen dem bischoff zu Wirtzburg unnd dann dem abt zu Fulda, auch dechant und capitel desgleichen die riterschfft daselbst anlangent und was zwischen inen firgeloffen in iren räthen davon tractirt und gehanndlet und diweil dann die röm. ksl. Mt. begern und den stennden andeuten theten, das auch sy die wichtigkeit dieser sachen ponderirn und erwegen, irer Mt. ir gut bedencken und beduncken hiriber eröffnen solten, also heten sy solches alles ponderirt und dieser sachen notturfft nach erwogen. Auch referirt und correferirt und heten sich die churfirstliche räth und potschafften us allerhanndt motiven unnd bewegnussen dises bedennckens verglichen, das nelich der abt zu Fulda uff der ksl. Mt. usgangne und insinuirte mandata allerdings widerumb restitiuirt werden solle, wie dann die churf. räth und potschafften, diweil sich die im firstenrath dieses halben mit inen nit vergleichen kendten, dieses ir bedenncken bey der ksl. Mt. anzupringen und ire Mt. zu referiren entschlossen unnd willens.","entities":[]},"ner_ent_exist":false,"ner_ent_type":null,"ner_source":"https://nerdpool-api.acdh-dev.oeaw.ac.at/api/ner-source/7/?format=json"}