{"url":"https://nerdpool-api.acdh-dev.oeaw.ac.at/api/ner-sample/50764/?format=json","ner_text":"Uff solches ist der reichs marschalckh vor der stätt rath selbs personlich erschinen unnd sy hinab in den reichs rath zuerscheinen erfordert. Alls sy nhun hinabkommen, ist durch den meintzischenn cantzler ungevarlich angezaigt worden, des hl. röm. Reichs erbaren frey unnd reichs stätt edle, hochgelerte, ersame und weise, ginstige herrn und gute freunnd, was die röm. ksl. Mt. den stennden des Reichs von wegen des pollnischen werckhs proponiren lassen, das alles heten die chur und firstliche räth seine gnedige und ginsteige herrn notirfftigelich erwogen, bedacht und beratschlagt und befunden, anfengelichs us irer Mt. ybergebnen bericht, das sich ire kl. Mt. nit one sonderpare hohe ursachen damit sollich kenigreich Polln bey der alten confederation verstanndt unnd vertreulicheit bey dem hl. röm. Reich pleiben mechte, angenommen hete, allso heten die stende vernünfftigelichen bedacht, das sich ire ksl. Mt. auch mit der that solchs konigreichs Polln anzunemmen, wol befiegt weren. Diweil aber entgegen auch die ungelegenheit des hl. röm. Reichs und wie es dieser zeit mit demselben ... heten sich chur und firstliche gesanndten eines bedenckens dahin verglichen, irer ksl. Mt. sich der cron Polln mit der that anzunemmen zuwider rathen, sonder villeicht ire ksl. Mt. allerunderthenigst dahin zuweisen, das ire ksl. Mt. uff mitel und weg bedacht, wie sich etwan uslendische potentaten inn solche sach schlugen, den Battori und alle stennde der cron Poln alle gelegenheit berichten und zu beden thailn die sachen dahin richten und pringen mechten, damit es bey alter verträulicher correspondentz verpleiben und guter frid und einigkeit im ksl. röm. Reich deutscher Nation gepflanngt und erhalten werden mechte. Auch uff seind es Batori absterben unnd ohne hinderlassung einicher mannlichen leibserben solche cron Poln uff die ksl. Mt. oder dero geliepten son einen widerkommen unnd devodiert werden mecht des verhoffens, die ksl. Mt. wurden solch der stennde bedenncken gleichwol der ksl. Mt. in schrifften nit ybergeben, sonder alein mundtlich relationsweis angedeitet werden solte.","ner_sample":{"text":"Uff solches ist der reichs marschalckh vor der stätt rath selbs personlich erschinen unnd sy hinab in den reichs rath zuerscheinen erfordert. Alls sy nhun hinabkommen, ist durch den meintzischenn cantzler ungevarlich angezaigt worden, des hl. röm. Reichs erbaren frey unnd reichs stätt edle, hochgelerte, ersame und weise, ginstige herrn und gute freunnd, was die röm. ksl. Mt. den stennden des Reichs von wegen des pollnischen werckhs proponiren lassen, das alles heten die chur und firstliche räth seine gnedige und ginsteige herrn notirfftigelich erwogen, bedacht und beratschlagt und befunden, anfengelichs us irer Mt. ybergebnen bericht, das sich ire kl. Mt. nit one sonderpare hohe ursachen damit sollich kenigreich Polln bey der alten confederation verstanndt unnd vertreulicheit bey dem hl. röm. Reich pleiben mechte, angenommen hete, allso heten die stende vernünfftigelichen bedacht, das sich ire ksl. Mt. auch mit der that solchs konigreichs Polln anzunemmen, wol befiegt weren. Diweil aber entgegen auch die ungelegenheit des hl. röm. Reichs und wie es dieser zeit mit demselben ... heten sich chur und firstliche gesanndten eines bedenckens dahin verglichen, irer ksl. Mt. sich der cron Polln mit der that anzunemmen zuwider rathen, sonder villeicht ire ksl. Mt. allerunderthenigst dahin zuweisen, das ire ksl. Mt. uff mitel und weg bedacht, wie sich etwan uslendische potentaten inn solche sach schlugen, den Battori und alle stennde der cron Poln alle gelegenheit berichten und zu beden thailn die sachen dahin richten und pringen mechten, damit es bey alter verträulicher correspondentz verpleiben und guter frid und einigkeit im ksl. röm. Reich deutscher Nation gepflanngt und erhalten werden mechte. Auch uff seind es Batori absterben unnd ohne hinderlassung einicher mannlichen leibserben solche cron Poln uff die ksl. Mt. oder dero geliepten son einen widerkommen unnd devodiert werden mecht des verhoffens, die ksl. Mt. wurden solch der stennde bedenncken gleichwol der ksl. Mt. in schrifften nit ybergeben, sonder alein mundtlich relationsweis angedeitet werden solte.","entities":[[722,727,"LOC"],[953,958,"LOC"],[1200,1205,"LOC"],[1457,1461,"LOC"],[1820,1824,"LOC"]]},"ner_ent_exist":true,"ner_ent_type":"LOC","ner_source":"https://nerdpool-api.acdh-dev.oeaw.ac.at/api/ner-source/7/?format=json"}