{"url":"https://nerdpool-api.acdh-dev.oeaw.ac.at/api/ner-sample/50671/?format=json","ner_text":"Darumb verhofften ir Mt. die stenndt deß Reichs werden inen diße sach angelegen sein lassen unnd befirdern, damit nit allein der feind abgehalten, sonnder auch die ganntz christenheit dardurch geschutzt unnd geschirmet werden müge. Es sey je bösser das vorsteenden geverden zeitlich begegnet, dann wan dieselben ervolgt, allßdann erst rath gesucht werde. Das vermelte ir Mt. nit darumb, das sy die sachen beschwerlicher machen wolten dann sy ist, sonnder darumb, das man gemaine wolffart desto zeitlicher bedenncken unnd behertzigen wolte dann wan sie, die gesanndten, die grenitzen besehen solten, wie ir Mt. nit zweivelt, das etliche uß irem mittel dieselben gesehen heten, so wurden sy entlich finden, das ir Mt. weniger dann es were angezaigt hete. Derhalben ir Mt. sich zu denn stennden unnd inen, den gesanndten versehen wolten, sy wurden es dermaßen bedenncken unnd zu gemüet füeren, damit dem feind in zeit begegnet, er von seinem vorhaben abgehalten unnd die gemein christenheit geschutzt, geschirmpt unnd inn ruw gestelt wurde. Daran erzaigten sy irer Mt. ein gnedigs gefallen, neben dem das sy es zuthun schuldig, es auch inen unnd gemeiner christenheit zu allem gutem gelanngen unnd kommen wurde.","ner_sample":{"text":"Darumb verhofften ir Mt. die stenndt deß Reichs werden inen diße sach angelegen sein lassen unnd befirdern, damit nit allein der feind abgehalten, sonnder auch die ganntz christenheit dardurch geschutzt unnd geschirmet werden müge. Es sey je bösser das vorsteenden geverden zeitlich begegnet, dann wan dieselben ervolgt, allßdann erst rath gesucht werde. Das vermelte ir Mt. nit darumb, das sy die sachen beschwerlicher machen wolten dann sy ist, sonnder darumb, das man gemaine wolffart desto zeitlicher bedenncken unnd behertzigen wolte dann wan sie, die gesanndten, die grenitzen besehen solten, wie ir Mt. nit zweivelt, das etliche uß irem mittel dieselben gesehen heten, so wurden sy entlich finden, das ir Mt. weniger dann es were angezaigt hete. Derhalben ir Mt. sich zu denn stennden unnd inen, den gesanndten versehen wolten, sy wurden es dermaßen bedenncken unnd zu gemüet füeren, damit dem feind in zeit begegnet, er von seinem vorhaben abgehalten unnd die gemein christenheit geschutzt, geschirmpt unnd inn ruw gestelt wurde. Daran erzaigten sy irer Mt. ein gnedigs gefallen, neben dem das sy es zuthun schuldig, es auch inen unnd gemeiner christenheit zu allem gutem gelanngen unnd kommen wurde.","entities":[]},"ner_ent_exist":false,"ner_ent_type":null,"ner_source":"https://nerdpool-api.acdh-dev.oeaw.ac.at/api/ner-source/7/?format=json"}