{"url":"https://nerdpool-api.acdh-dev.oeaw.ac.at/api/ner-sample/50668/?format=json","ner_text":"Nun het man aber uß der proposition vernommen, das die grenitzen in Hungern so weit unnd biß an Österreich herauff inn deß türgken gewalt kommen, dann ob wol ir Mt. unnd dero lennder bißher alles das gethan unnd getreulichen gelaistet, waß sy immer thun unnd laisten kennen unnd wolte Guot, das ir Mt. unnd sein solches noch thun und damit dem hl. Reich verschonen kenndten. Weil aber dißer hanndel inn Hungern mit dem tirggen yber die 50 jar gewerth, wern ir Mt. unnd dero kennigreich unnd lanndt auff das eüsserst verschöpfft, wie dann ein pronn, wie groß er auch sey, erschöpfft werden kenne. Unnd was ir Mt. unnd dero gethrewe lanndt und leut thun kennen, das heten sy getreulich gelaist. Wolten auch nichts liebers winschen dann das sy dem feind nochmaln einen gnugsamen widerstanndt thun, etwas fruchtpars ußzurichtenn unnd gemainer stenndt hirinnen mit irem begern verschonen kenndten. Aber wie ir Mt. vermelt, so were es dahin kommen, das ir Mt. unnd ire lanndt allein dem feindt widerstanndt zuthun oder ime auffzuhalten, unmentschlich, auch unmeglich were inn sonderer erwegung seiner grossen macht, gewalts unnd ungehorsamb bey seinen underthonen. Dann menigelich bewust were, was es fir ein feind, der nit allein mit irer Mt. unnd dero lanndt, sonnder auch dem ganntzen hl. Reich unnd anndern potentaten zuthun hette. Unnd es sy mit belanngte, dann man das exempel mit Hispanien unnd dem Venedigern für augen gemmen solte, dann unangesehen sy zusamen gesetzt, nichts destoweniger er, der türgkh, Cippern , Thunnis unnd Balleta eingenommen hete.","ner_sample":{"text":"Nun het man aber uß der proposition vernommen, das die grenitzen in Hungern so weit unnd biß an Österreich herauff inn deß türgken gewalt kommen, dann ob wol ir Mt. unnd dero lennder bißher alles das gethan unnd getreulichen gelaistet, waß sy immer thun unnd laisten kennen unnd wolte Guot, das ir Mt. unnd sein solches noch thun und damit dem hl. Reich verschonen kenndten. Weil aber dißer hanndel inn Hungern mit dem tirggen yber die 50 jar gewerth, wern ir Mt. unnd dero kennigreich unnd lanndt auff das eüsserst verschöpfft, wie dann ein pronn, wie groß er auch sey, erschöpfft werden kenne. Unnd was ir Mt. unnd dero gethrewe lanndt und leut thun kennen, das heten sy getreulich gelaist. Wolten auch nichts liebers winschen dann das sy dem feind nochmaln einen gnugsamen widerstanndt thun, etwas fruchtpars ußzurichtenn unnd gemainer stenndt hirinnen mit irem begern verschonen kenndten. Aber wie ir Mt. vermelt, so were es dahin kommen, das ir Mt. unnd ire lanndt allein dem feindt widerstanndt zuthun oder ime auffzuhalten, unmentschlich, auch unmeglich were inn sonderer erwegung seiner grossen macht, gewalts unnd ungehorsamb bey seinen underthonen. Dann menigelich bewust were, was es fir ein feind, der nit allein mit irer Mt. unnd dero lanndt, sonnder auch dem ganntzen hl. Reich unnd anndern potentaten zuthun hette. Unnd es sy mit belanngte, dann man das exempel mit Hispanien unnd dem Venedigern für augen gemmen solte, dann unangesehen sy zusamen gesetzt, nichts destoweniger er, der türgkh, Cippern , Thunnis unnd Balleta eingenommen hete.","entities":[[68,75,"LOC"],[96,106,"LOC"],[403,410,"LOC"],[1381,1390,"LOC"],[1400,1410,"LOC"],[1508,1515,"LOC"],[1518,1525,"LOC"],[1531,1538,"LOC"]]},"ner_ent_exist":true,"ner_ent_type":"LOC","ner_source":"https://nerdpool-api.acdh-dev.oeaw.ac.at/api/ner-source/7/?format=json"}