{"url":"https://nerdpool-api.acdh-dev.oeaw.ac.at/api/ner-sample/50162/?format=json","ner_text":"Newburgische zweibruckische zolshandlung. Seindt die newburgische, zweybruckhische räth fürbescheiden worden. Wardt inen per Meintz und Pfaltz angezeigt: Ob wol die churfürsten bißhero vonn wegen deß new bewilligten zols anno 66 ursach gehabt, dieweil ir herrschafft den gebreüchlichen consens von den churfürsten deß reinischen kreis noch nit abgeholet noch sich reversirt, ir glegenheit auch zugedenckhen, yedoch dieweil eß bißhero also einstehen pleiben, so woltt man inen hiemit ein concipirten revers zugesteltt haben mit begern, irer herrschafft solchen zuzestellen, denselben der gebür verfertigen und den Kff. zuzustellen. Dagegen sie den gebürenden consens empfahen sollen, und da alle ding verrichtet und versecretirt, alß dann in ein yede cantzley, wie bewilligt, 50 golttgülden zuerlegen. Soltten auch ein specification in die meintzisch cantzley übergeben, wie hoch ein yede wahr vor altters verzollet worden und wie eß yetzo verzollet werdt etc.","ner_sample":{"text":"Newburgische zweibruckische zolshandlung. Seindt die newburgische, zweybruckhische räth fürbescheiden worden. Wardt inen per Meintz und Pfaltz angezeigt: Ob wol die churfürsten bißhero vonn wegen deß new bewilligten zols anno 66 ursach gehabt, dieweil ir herrschafft den gebreüchlichen consens von den churfürsten deß reinischen kreis noch nit abgeholet noch sich reversirt, ir glegenheit auch zugedenckhen, yedoch dieweil eß bißhero also einstehen pleiben, so woltt man inen hiemit ein concipirten revers zugesteltt haben mit begern, irer herrschafft solchen zuzestellen, denselben der gebür verfertigen und den Kff. zuzustellen. Dagegen sie den gebürenden consens empfahen sollen, und da alle ding verrichtet und versecretirt, alß dann in ein yede cantzley, wie bewilligt, 50 golttgülden zuerlegen. Soltten auch ein specification in die meintzisch cantzley übergeben, wie hoch ein yede wahr vor altters verzollet worden und wie eß yetzo verzollet werdt etc.","entities":[[125,131,"LOC"],[136,142,"LOC"],[221,228,"DATE"]]},"ner_ent_exist":true,"ner_ent_type":"LOC,DATE","ner_source":"https://nerdpool-api.acdh-dev.oeaw.ac.at/api/ner-source/7/?format=json"}