{"url":"https://nerdpool-api.acdh-dev.oeaw.ac.at/api/ner-sample/49968/?format=json","ner_text":"Maintz: Haltten auch fur nöttig, uff mittel zugedenckhen, wie solche stattliche hilff wol angelegt werdt. Wisten, waß anno 66 furgelauffen, da ir Mt. selbst zu veldt gelegen und waß fur costen daruff gangen. Da nun yetzo ir Mt. pfennigmeister und commissarien verordnet sollen werden vom Reich, hett eß daß ansehen, alß ob man sich deß kriegs annemme, zu dem sie nitt viel nutz außrichten werden, da sie daß geltt nitt in der handt. Aber man befindt doch, wie eß ettwa zugehett, ob wol ir Mt. wegen kein bedenckhens. Da man aber davon wöll reden und andeuttung a Sachsen geschehen, mitt vorwissen der herren selbst zureden, da man sich deßwegen vergleich, wollen sich nitt absondern. Ritterorden sey ein stattlich erwogen werckh, sonderlich dieweil man perpetuum praesidium haben müß gegen dem türckhen und wer wol gut, da eß in effectum könn gebracht werden. Aber eß müsten interessenten auch darunder gefragt werden, dann invitis canibus male venatur. Lassen inen also gefallen, dz ein yeder solches an seine herren bringe, teütschmeister und andere gehört und also ein vorbereittung uff künfftigen deputation tag geschehe, wollen aber die herren ferner davon hören reden und sich gern vergleichen. Ferner wehren auch die steirische gesanten zubeantwortten uff ir beschehen supplicirn, sonderlich dieweil sie begeren, inen ein schein mittzutheilen, wassen sie alhie beantwortett und vertröstett etc.","ner_sample":{"text":"Maintz: Haltten auch fur nöttig, uff mittel zugedenckhen, wie solche stattliche hilff wol angelegt werdt. Wisten, waß anno 66 furgelauffen, da ir Mt. selbst zu veldt gelegen und waß fur costen daruff gangen. Da nun yetzo ir Mt. pfennigmeister und commissarien verordnet sollen werden vom Reich, hett eß daß ansehen, alß ob man sich deß kriegs annemme, zu dem sie nitt viel nutz außrichten werden, da sie daß geltt nitt in der handt. Aber man befindt doch, wie eß ettwa zugehett, ob wol ir Mt. wegen kein bedenckhens. Da man aber davon wöll reden und andeuttung a Sachsen geschehen, mitt vorwissen der herren selbst zureden, da man sich deßwegen vergleich, wollen sich nitt absondern. Ritterorden sey ein stattlich erwogen werckh, sonderlich dieweil man perpetuum praesidium haben müß gegen dem türckhen und wer wol gut, da eß in effectum könn gebracht werden. Aber eß müsten interessenten auch darunder gefragt werden, dann invitis canibus male venatur. Lassen inen also gefallen, dz ein yeder solches an seine herren bringe, teütschmeister und andere gehört und also ein vorbereittung uff künfftigen deputation tag geschehe, wollen aber die herren ferner davon hören reden und sich gern vergleichen. Ferner wehren auch die steirische gesanten zubeantwortten uff ir beschehen supplicirn, sonderlich dieweil sie begeren, inen ein schein mittzutheilen, wassen sie alhie beantwortett und vertröstett etc.","entities":[[0,6,"LOC"],[118,125,"DATE"],[563,570,"LOC"]]},"ner_ent_exist":true,"ner_ent_type":"LOC,DATE","ner_source":"https://nerdpool-api.acdh-dev.oeaw.ac.at/api/ner-source/7/?format=json"}