{"url":"https://nerdpool-api.acdh-dev.oeaw.ac.at/api/ner-sample/45090/?format=json","ner_text":"Bayern: „Wissen sich zuerinnern, waß sie gestern sich vernemen haben lassen, das sei beschehen auß habendem bevelch vermüg irer instruction. Weill sie aber verstannden, daß dessen etlich stennd beschwernuß hetten, haben sie beineben vermelldt, sy wöllen mit irem voto niemandtß nichts untreglichs aufferlegen, sonder villieber sich mit inen, waß thunlich, vergleichen. Und ob wol er das saltzburgisch votum gestern anderst verstanden und nemblich allso, das sie der mainung, das erstlich zu einer eillenden hillff ein anzal volgks erhallten wurde. Und dannoch darzu sechs jar ein beharrliche hillff jedeß jarß acht monat erstatt werden, weil er aber die gantz hilff darauff verstee, discribiere sie allain inn anzall der jar unnd nit inn der höhe der hillff. Da es dann chur und fursten auch allso gefall, sei er damit ainhellig. Mitt den anndern puncten, wie und waß gestalltt, auch wahn das gelltt erlegt soll werden, sein sie ainig. Von anndern mittel etlich pfriend dahin zuwenden von denn stifften, seie zubesorgen, es were nit zuerhallten, dann obschon die jungen thumbhern vom adel unnd herren, dahin was frech unnd kriegerisch, wurden sie doch daussen umb sonnst nit brauchen lassen, darzu begern, das die eingenome stifft widerumb begeben und dahin gebraucht wurden, wie dann vil anndere mitel, so bequemlicher nunmher auf vilen reichstagen der ksl. Mt. angefiegt worden, aber ir Mt. habenß allweg zubedengken gezogen auß bedengken, das die stenndtt und solche extra ordinari ...? nit leichtlich bewilligen wurden.„","ner_sample":{"text":"Bayern: „Wissen sich zuerinnern, waß sie gestern sich vernemen haben lassen, das sei beschehen auß habendem bevelch vermüg irer instruction. Weill sie aber verstannden, daß dessen etlich stennd beschwernuß hetten, haben sie beineben vermelldt, sy wöllen mit irem voto niemandtß nichts untreglichs aufferlegen, sonder villieber sich mit inen, waß thunlich, vergleichen. Und ob wol er das saltzburgisch votum gestern anderst verstanden und nemblich allso, das sie der mainung, das erstlich zu einer eillenden hillff ein anzal volgks erhallten wurde. Und dannoch darzu sechs jar ein beharrliche hillff jedeß jarß acht monat erstatt werden, weil er aber die gantz hilff darauff verstee, discribiere sie allain inn anzall der jar unnd nit inn der höhe der hillff. Da es dann chur und fursten auch allso gefall, sei er damit ainhellig. Mitt den anndern puncten, wie und waß gestalltt, auch wahn das gelltt erlegt soll werden, sein sie ainig. Von anndern mittel etlich pfriend dahin zuwenden von denn stifften, seie zubesorgen, es were nit zuerhallten, dann obschon die jungen thumbhern vom adel unnd herren, dahin was frech unnd kriegerisch, wurden sie doch daussen umb sonnst nit brauchen lassen, darzu begern, das die eingenome stifft widerumb begeben und dahin gebraucht wurden, wie dann vil anndere mitel, so bequemlicher nunmher auf vilen reichstagen der ksl. Mt. angefiegt worden, aber ir Mt. habenß allweg zubedengken gezogen auß bedengken, das die stenndtt und solche extra ordinari ...? nit leichtlich bewilligen wurden.„","entities":[[0,6,"LOC"]]},"ner_ent_exist":true,"ner_ent_type":"LOC","ner_source":"https://nerdpool-api.acdh-dev.oeaw.ac.at/api/ner-source/7/?format=json"}