{"url":"https://nerdpool-api.acdh-dev.oeaw.ac.at/api/ner-sample/44979/?format=json","ner_text":"Waß dann vermaint werden will, das der gemain pfennig nit so wol ersprießlich sein solle allß die anlag nach dem römer zug, achten wir darfur, das beede weg nur ein idea und forma seien, darnach man die reichs hillffen anlägen möchte, die selbigen erhöcht oder ernidert werden möchte, wie man will, dann man gleich so wol den romzug so hoch spannen kan, das er eben sovil ertragen kan allß der gemaine pfennig. Da man aber allain den armen mann damit beschweren und auß seinem schwais den krieg verrichten solle, das were nit allain unchristlich, sonder dem armen mann zuerlegen gantz unmüglich und der sachen gar undienstlich. Dagegen aber waß dem gemainen pfennig anlanngtt, da kan ein jeder auch geringes verstanndts leichtlich ermessen, das 100 mer künden geben dann 50, sonnderlich, da auch die furnembste stennde allß im gemainem pfennig gebirlich mit eingezogen werden. Derhalben dann gar nit zu zweifeln, das der gemain pfennig vil ersprießlicher, auch inn der gemain vil minnder beschwerlich dann der rom zug.","ner_sample":{"text":"Waß dann vermaint werden will, das der gemain pfennig nit so wol ersprießlich sein solle allß die anlag nach dem römer zug, achten wir darfur, das beede weg nur ein idea und forma seien, darnach man die reichs hillffen anlägen möchte, die selbigen erhöcht oder ernidert werden möchte, wie man will, dann man gleich so wol den romzug so hoch spannen kan, das er eben sovil ertragen kan allß der gemaine pfennig. Da man aber allain den armen mann damit beschweren und auß seinem schwais den krieg verrichten solle, das were nit allain unchristlich, sonder dem armen mann zuerlegen gantz unmüglich und der sachen gar undienstlich. Dagegen aber waß dem gemainen pfennig anlanngtt, da kan ein jeder auch geringes verstanndts leichtlich ermessen, das 100 mer künden geben dann 50, sonnderlich, da auch die furnembste stennde allß im gemainem pfennig gebirlich mit eingezogen werden. Derhalben dann gar nit zu zweifeln, das der gemain pfennig vil ersprießlicher, auch inn der gemain vil minnder beschwerlich dann der rom zug.","entities":[]},"ner_ent_exist":false,"ner_ent_type":null,"ner_source":"https://nerdpool-api.acdh-dev.oeaw.ac.at/api/ner-source/7/?format=json"}