{"url":"https://nerdpool-api.acdh-dev.oeaw.ac.at/api/ner-sample/44978/?format=json","ner_text":"Daß dann ferrner davon geredt werden will, das ein ansehenlichen grosser summa gellts auß dem Reich inn annderer potentaten henndt kommen, die comertia gespärtt, dardurch denn abermalß vil stenndt inn abnemen geraten unnd desswegen der gemaine pfennig auch desto weniger ersprießlich. So ist gleichwol nit one, das vil gellt auß dem Reich khomme, auch vil hanndellß leut darumb pangkhorottiertt, hergegen aber war, das solches allain ain oder zween particular stenndt im Reich antrifft, die dannocht dem gemainen pfennig nach allem irem vermugen ein weg wie denn anndern versteurn müessen. Unnd da sonnst ein abganng daran ervolgen sollte, so wurd es doch dem römer zug nach gleich so wol beschehen müessen, allß inn dem gemainen pfennig.","ner_sample":{"text":"Daß dann ferrner davon geredt werden will, das ein ansehenlichen grosser summa gellts auß dem Reich inn annderer potentaten henndt kommen, die comertia gespärtt, dardurch denn abermalß vil stenndt inn abnemen geraten unnd desswegen der gemaine pfennig auch desto weniger ersprießlich. So ist gleichwol nit one, das vil gellt auß dem Reich khomme, auch vil hanndellß leut darumb pangkhorottiertt, hergegen aber war, das solches allain ain oder zween particular stenndt im Reich antrifft, die dannocht dem gemainen pfennig nach allem irem vermugen ein weg wie denn anndern versteurn müessen. Unnd da sonnst ein abganng daran ervolgen sollte, so wurd es doch dem römer zug nach gleich so wol beschehen müessen, allß inn dem gemainen pfennig.","entities":[]},"ner_ent_exist":false,"ner_ent_type":null,"ner_source":"https://nerdpool-api.acdh-dev.oeaw.ac.at/api/ner-source/7/?format=json"}