{"url":"https://nerdpool-api.acdh-dev.oeaw.ac.at/api/ner-sample/44974/?format=json","ner_text":"Zum anndern so geben die reichen churf. unnd fursten auß irem cammerguet, allso auch die reichen thumbstifft, dern vil im Reich, dessgleichen die halben stifft unnd prelaturn, die nit inmediate dem Reich unnderworffen, welcher gleichsfallß ein grosser anzall im Reich, auch nichts darzuthun, die doch aller billichaitt nach, so sie vor allen anndern mitlaidlich erzaigen sollten. Item so hatt der Teutsche Orden im römer zug auch ein geringen anschlag, der doch inn solchen notfellen weitt ein mherers thun köndte. Item so seindt der verlornen, erarmten unnd eximierten stende sovil, das der anschlag nach dem römer zug bei weitem nit sovil ertragen mag, allß vil stennde, die der sachen nit gnugsam bericht, erachten möchten. Item so hatt die freie ritterschafft im Reich sovil stattlicher, ansehennlicher gietter unnd ist auch an jetz das gröste vermögen bey inen, da sie nun ire schuldige unnd gebirliche hillff zu disem ganntzen werckh, wie sich wol gebürt, erzaigen sollten, das es sich inn ein mechtige, grosse summa erlauffen wurde sambt anndern mher beschwerungen, welche wir an jetz zuerzelen unnderlassen. Dieweill dann solcher obbemelter stennde alle bißanher inn gelaistene hillffen den römer zug nach leer außganngen und die ganntze bürde allain ob dem armen mann gelegen, so gebirt es im allain, ein vertregliche ungleichaitt im Reich, sonnder es auch ein solche hillff, die so nach dem römer zug verthaillt würdett, nur allain ein particular unnd gar nit ein universal hillf zunemen, das aber zu widerstandt eines solchen gewalltigen feindts bei weitem nit erkleggt unnd gnugsam.","ner_sample":{"text":"Zum anndern so geben die reichen churf. unnd fursten auß irem cammerguet, allso auch die reichen thumbstifft, dern vil im Reich, dessgleichen die halben stifft unnd prelaturn, die nit inmediate dem Reich unnderworffen, welcher gleichsfallß ein grosser anzall im Reich, auch nichts darzuthun, die doch aller billichaitt nach, so sie vor allen anndern mitlaidlich erzaigen sollten. Item so hatt der Teutsche Orden im römer zug auch ein geringen anschlag, der doch inn solchen notfellen weitt ein mherers thun köndte. Item so seindt der verlornen, erarmten unnd eximierten stende sovil, das der anschlag nach dem römer zug bei weitem nit sovil ertragen mag, allß vil stennde, die der sachen nit gnugsam bericht, erachten möchten. Item so hatt die freie ritterschafft im Reich sovil stattlicher, ansehennlicher gietter unnd ist auch an jetz das gröste vermögen bey inen, da sie nun ire schuldige unnd gebirliche hillff zu disem ganntzen werckh, wie sich wol gebürt, erzaigen sollten, das es sich inn ein mechtige, grosse summa erlauffen wurde sambt anndern mher beschwerungen, welche wir an jetz zuerzelen unnderlassen. Dieweill dann solcher obbemelter stennde alle bißanher inn gelaistene hillffen den römer zug nach leer außganngen und die ganntze bürde allain ob dem armen mann gelegen, so gebirt es im allain, ein vertregliche ungleichaitt im Reich, sonnder es auch ein solche hillff, die so nach dem römer zug verthaillt würdett, nur allain ein particular unnd gar nit ein universal hillf zunemen, das aber zu widerstandt eines solchen gewalltigen feindts bei weitem nit erkleggt unnd gnugsam.","entities":[]},"ner_ent_exist":false,"ner_ent_type":null,"ner_source":"https://nerdpool-api.acdh-dev.oeaw.ac.at/api/ner-source/7/?format=json"}