{"url":"https://nerdpool-api.acdh-dev.oeaw.ac.at/api/ner-sample/44973/?format=json","ner_text":"Sovil nun anfangs das mitel des römer zugs belangt, ist dasselbig biß anhero im Reich im ganng gewesen. Es haben auch die stennde desselben biß annheer dermassen dessen gewanet gewonet, das sich villeicht nit wol auf anndere mitel zuweisen. Dagegen aber, so waist man sich zuberichten, das derselbig anno 21 allain zu kaiser Carlß krieg nach Bononia bewilligt, da man allain pro autoritate et splendore Imperii gehanndlett unnd jetz aber da man pro aris et focis krieg und des gewalltigen feindes inn der ganntzen welltt erwärn sollte, da hette es weitter ein anndere mainung, novo morbo novum remedium inveniendum sambt dem, das das mitel des römerzugs vil grösser unnd ungleicher beschwernuß mit sich zeucht, dern sich vil stenndt im Reich zum höchsten nach beschweren, dann erstlich ist bewüsst, das wenig stennde oder doch gewiß derselben nit vil das gellt, so nach dem römmer zug außgethaillt, auß einem seggel unnd cammerguett geben unnd dasselbig alles allein von der armen underthanen einziehen, auch etlich desselben eingezognen gellts lanngsam unnd zu zeiten gar nit erlegen, biß man sy mit rechtlichen lanngem process darzubringen muß. Welches alles aber nit allain denn armen unnderthanen neben anndern irn obligen beschwerlich, sonnder auch solche ungleichait mitbringt, das desto weniger glickh unnd haill bei der sach sein will.","ner_sample":{"text":"Sovil nun anfangs das mitel des römer zugs belangt, ist dasselbig biß anhero im Reich im ganng gewesen. Es haben auch die stennde desselben biß annheer dermassen dessen gewanet gewonet, das sich villeicht nit wol auf anndere mitel zuweisen. Dagegen aber, so waist man sich zuberichten, das derselbig anno 21 allain zu kaiser Carlß krieg nach Bononia bewilligt, da man allain pro autoritate et splendore Imperii gehanndlett unnd jetz aber da man pro aris et focis krieg und des gewalltigen feindes inn der ganntzen welltt erwärn sollte, da hette es weitter ein anndere mainung, novo morbo novum remedium inveniendum sambt dem, das das mitel des römerzugs vil grösser unnd ungleicher beschwernuß mit sich zeucht, dern sich vil stenndt im Reich zum höchsten nach beschweren, dann erstlich ist bewüsst, das wenig stennde oder doch gewiß derselben nit vil das gellt, so nach dem römmer zug außgethaillt, auß einem seggel unnd cammerguett geben unnd dasselbig alles allein von der armen underthanen einziehen, auch etlich desselben eingezognen gellts lanngsam unnd zu zeiten gar nit erlegen, biß man sy mit rechtlichen lanngem process darzubringen muß. Welches alles aber nit allain denn armen unnderthanen neben anndern irn obligen beschwerlich, sonnder auch solche ungleichait mitbringt, das desto weniger glickh unnd haill bei der sach sein will.","entities":[[300,307,"DATE"],[318,330,"PER"],[342,349,"LOC"]]},"ner_ent_exist":true,"ner_ent_type":"LOC,PER,DATE","ner_source":"https://nerdpool-api.acdh-dev.oeaw.ac.at/api/ner-source/7/?format=json"}