{"url":"https://nerdpool-api.acdh-dev.oeaw.ac.at/api/ner-sample/44945/?format=json","ner_text":"(Türkenhilfe): „Und hab neben anndern die beschwerliche ablag des türggischen erbfeindts nit allain hie auß der proposition und dann von ir Mt. mundtlichen furbringen vernomen, sonder es gebe sich die teglich erfarung laider mherr allß zuvil inn Kärnten, Steur und Crain, das allso wol zusagen ‘sensus enim movet magis quam auditus’, dann er obgenanter landtschafften ersambs furbringen nit allain angehertt, sonder auch, was graff von Serin und obbemellter landtschafft ritterschafft kleglich angezaigt, das inen unmüglich, ferrnern widerstanndt zethun. Dann was neulich mit feindtlicher beraubung des Caniser port dergleichen wol offen verloffen inn Steur fur ein mergklicher geschwinder und nechtlicher uberfall zugetragen, darinn vil tausent armen christen schaden genommen, hab man sich wol mit erbermbdts zuerinern, so seie je laider mher allß zuvil whar, wievil taussent christen durch den wiettenden feindt des christlichen glaubens entpfiert unnd jemerlich umbkhommen. Welches dann billich von wegen des christlichen bluetßvergiessung zu hertzen fiern seie. So hette er sich gleichwol endtgegen seines gn. hern inn wenig jarn so gar mergklichs abnemens wol zuberichten, deß auch so klain nit, dann es uber die sibentzig tausendt fl. drefe [?], so ir f. gn. an jerlichen einkommen abgieng. So were nechstverschinen jarn durch laidigs einreissen des wasserguß uber die achtzig tausendt gulden schaden geschehen, darbei zugeschweigen, das die nechstbewilligte türggen hilff anno 66 biß auf dise stundt nit eingebracht, was es auch fur beschwerlichaitt auf im trag, das ir f. gn. gietter, die inn Steur und Kärnten gelegen, der vorerzellten notturfft nach angelegt worden und das ir f. gn. zwaitausendt gulden uber den einkomen zu abzalung der steur hinein ordnen müessen, fur ein beschwer leichtlich zuerwegen.","ner_sample":{"text":"(Türkenhilfe): „Und hab neben anndern die beschwerliche ablag des türggischen erbfeindts nit allain hie auß der proposition und dann von ir Mt. mundtlichen furbringen vernomen, sonder es gebe sich die teglich erfarung laider mherr allß zuvil inn Kärnten, Steur und Crain, das allso wol zusagen ‘sensus enim movet magis quam auditus’, dann er obgenanter landtschafften ersambs furbringen nit allain angehertt, sonder auch, was graff von Serin und obbemellter landtschafft ritterschafft kleglich angezaigt, das inen unmüglich, ferrnern widerstanndt zethun. Dann was neulich mit feindtlicher beraubung des Caniser port dergleichen wol offen verloffen inn Steur fur ein mergklicher geschwinder und nechtlicher uberfall zugetragen, darinn vil tausent armen christen schaden genommen, hab man sich wol mit erbermbdts zuerinern, so seie je laider mher allß zuvil whar, wievil taussent christen durch den wiettenden feindt des christlichen glaubens entpfiert unnd jemerlich umbkhommen. Welches dann billich von wegen des christlichen bluetßvergiessung zu hertzen fiern seie. So hette er sich gleichwol endtgegen seines gn. hern inn wenig jarn so gar mergklichs abnemens wol zuberichten, deß auch so klain nit, dann es uber die sibentzig tausendt fl. drefe [?], so ir f. gn. an jerlichen einkommen abgieng. So were nechstverschinen jarn durch laidigs einreissen des wasserguß uber die achtzig tausendt gulden schaden geschehen, darbei zugeschweigen, das die nechstbewilligte türggen hilff anno 66 biß auf dise stundt nit eingebracht, was es auch fur beschwerlichaitt auf im trag, das ir f. gn. gietter, die inn Steur und Kärnten gelegen, der vorerzellten notturfft nach angelegt worden und das ir f. gn. zwaitausendt gulden uber den einkomen zu abzalung der steur hinein ordnen müessen, fur ein beschwer leichtlich zuerwegen.","entities":[[246,253,"LOC"],[255,260,"LOC"],[265,270,"LOC"],[603,610,"LOC"],[652,657,"LOC"],[1480,1487,"DATE"],[1602,1607,"LOC"],[1612,1619,"LOC"]]},"ner_ent_exist":true,"ner_ent_type":"LOC,DATE","ner_source":"https://nerdpool-api.acdh-dev.oeaw.ac.at/api/ner-source/7/?format=json"}